مجلة دنيا الهوى

أحبك كلمة(ن) قبلي وقبلك قالهـا العشـاق
وانا وياك قلناهـا قصايـد شـوق مختالـه


مع حروف الوفا تشرب معانيها من الاعماق
وعلى نهر الغلا صارت زهور اشواق مياله


ياأول من سكن قلب القصيد وحرك الاشواق
ياأول من غدى احساسي مع الابيات مرساله


سكنت بداخلي حتى غديت النبـض للخفـاق
عطيتك من وفا روحي غمرتك باطهر اشكاله


احبك حب لو قلته تضيـق بلفظـه الافـاق
احبك حب ماحبـه سـواي ولااحد(ن)قالـه


احبك كثر مايشرق بعد ليل(ن) يجيني اشراق
احبك كثر مايبـدا خفوقـي عنـك سؤالـه


احبك كثر ماعانق نزيـف اقلامـي الاوراق
احبك يابعد عمري غـلاك القلـب مدهالـه


احبك لو زعل غالي عساه ان صد بالطقـاق
انـا ماهمنـي غيـرك وحبـك زاد منزالـه


مادام انك معي وافي تسلي خاطري لاضـاق
ونيس(ن) لابتدا ليل(ن) يهز الروح بقبالـه


احبك كلمة(ن) حلوه ابـد ماقالهـا العشـاق
اترجمها من احساسي قصايد حـب مختالـه